Нұра аудандық мешітінің имамы Ерлан Серікұлының ұйымдастыруымен Ақтау қаласында қаза болған сарбаздардың рухына арнап құрбандық шалынды.

Құрбандық еті мұқтаж және әлеуметтік жағдайы төмен отбасыларға таратылды.

Игі шара барысында қаза болған сарбаздардың рухына Құран бағышталып, марқұмдарға дұға жасалды.

Бұл бастама – қаза болған азаматтардың рухына бағышталған сауапты амалды мұқтаж жандарға көмек көрсетумен ұштастыруды мақсат етті.