Қарағанды қалалық «Ар-Рахман» мешітінің ұйымдастыруымен әлеуметтік қолдауға мұқтаж отбасыларға зекет қаражаты есебінен азық-түлік себеттері таратылды.
Қайырымдылық шарасының басты мақсаты – тұрмысы төмен отбасыларға қолдау көрсету, мұқтаж жандарға көмек қолын созу және қоғамда мейірімділік пен жанашырлық құндылықтарын кеңінен насихаттау.
Игі шара барысында отбасыларға күнделікті тұрмысқа қажетті азық-түлік өнімдері үлестіріліп, олардың әлеуметтік жағдайына аз да болса қолдау көрсетілді.
Ислам дінінде зекет беру – мұсылманның маңызды міндеттерінің бірі. Ол қоғамдағы әлеуметтік теңдікті сақтауға, мұқтаж жандардың қажеттіліктерін өтеуге және адамдар арасындағы бауырмалдық пен өзара қамқорлықты нығайтуға бағытталған.
Осындай қайырымдылық шаралары алдағы уақытта да жалғасын тауып, ізгілік пен жомарттықтың қоғамда кеңінен дәріптелуіне ықпал етпек.
«Халал» сертификаты
Имамдарға қызметтік пәтер
Мешіт туралы