Осакаровка ауданына қарасты Молодежный кенті мешітінде жамағатқа уақыптың маңызы мен сауабы туралы уағыз-насихат айтылды.

Мешіт имамы Рүстем Мұратұлы уақыптың ислам дініндегі орны мен оның қоғамға тигізер пайдасы жөнінде түсіндіріп, уақыпқа берілген дүниенің сауабы адам өмірден өткеннен кейін де жалғасатын игі амал екеніне тоқталды.

Уағыз барысында мешіттерге, діни нысандарға және қайырымдылыққа қолдау көрсетудің, халыққа пайдасы тиетін игі істерге үлес қосудың маңызы айтылды.

Сондай-ақ жамағатты мүмкіндігіне қарай сауапты іске атсалысып, кейінгі ұрпаққа пайдасы тиетін қайырлы іс қалдыруға шақырды.