Қарағанды қалалық «Қазыбек би» мешітінде жамағатқа уақыптың мәні мен мұсылман өміріндегі маңызы жөнінде уағыз-насихат айтылды.

Мешіт имамы Асылхан Нұртайұлы уақып жасаудың адамға ғана емес, қоғамға да тигізер пайдасына тоқталды. Жамағатқа халық игілігіне арналған қайырымды істің сауабы үзілмей жалғасатындығы түсіндірілді.

Уағыз барысында мешіттерді қолдау, мұқтаж жандарға жәрдемдесу және елге пайдасы тиетін игі бастамаларға үлес қосудың сауапты амал екені айтылды.

Сонымен қатар жамағатты мүмкіндігіне қарай қайырлы істерге атсалысып, кейінгі ұрпаққа пайдасы тиетін ізгі мұра қалдыруға үндеді.